இன்னொரு கேலிசித்திரம்
காலம் என் கேலிச்சித்திரத்தை 
வரைந்துவிட்டது
உயரத்தையும்
முன்பற்க்களின் இடைவெளியையும்
நிச்சயம் கணக்கில் எடுக்கும்
என்று நினைத்திருந்தேன்
எடுக்கவில்லை
என் கூர்மையற்ற மூக்கைக்கூட
அது பொருட்படுத்தக் காணோம்
கனத்த கண்ணாடியின்றியும்
முகத்தின் சாயல்
பிடிப்பட்டிருந்தது
அதன் கோடுகளுக்குள்
என் உடல் மொழியனைத்தும் அடங்கியிருந்தன
என் சித்திரத்தை விட
என் கேலிச்சித்திரத்தை ரசிக்க முடிகிறது
எனினும்
என்னுடைய எந்த அடையாளத்தை
அது ஒளித்துவைதிருக்கிறது தன்னிடம்
என்ற புதிரை
என்னால் விடுவிக்க முடியவில்லை
அதற்குள் வரையப்பட்டுவிடுகிறது
அடுத்த நாளில்
இன்னொரு கேலிச் சித்திரம்…
*****
நன்றி: கல்யாண்ஜி கவிதைகள், ஆழி பதிப்பகம்
குறிப்பு: நல்ல இலக்கியம் எல்லோரையும் சென்றடைய வேண்டும் என்ற நோக்கத்திலேயே இங்கு பதியப்படுகிறது. வேறு வணிக நோக்கம் எதுவுமில்லை. இதில் யாருக்கேனும் ஆட்சேபனை இருந்தால் தெரியப்படுத்தவும். அவற்றை நீக்கிவிடுகிறேன். படைப்புகளின் காப்புரிமை எழுத்தாளருக்கே
5 கருத்துகள்:
பகிர்ந்தமைக்கு நன்றிகள் ராம்
கல்யான்ஜிக்கும் நன்றிகள்
பகிர்வுக்கு நன்றி
பகிர்விற்கு நன்றி ராம் :)
என் சித்திரத்தை விட என் கேலி சித்திரம் நன்றாக இருக்கிறது என்ற வரிகளில் இந்த கவிதை முடிந்து விட்டதாகவே நான் நினைக்கிறேன்
azhiyasudargal.blogspot.in is the best thing that has happened to tamil language and literature for a long long time and the extraordinary immense and intense satisfaction it brings to the soul of reader of serious tamil literature is beyond description.
how u guys r able to get hold of such treasures and put all of them in one place i would never know
carry on the great work
ramakrishnan wadala mumbai
Post a Comment
இந்த படைப்பைப் பற்றிய உங்கள் கருத்துகள் மற்றவர்களுக்கு வழிகாட்டியாக இருக்கலாம். அதனால் நீங்கள் நினைப்பதை இங்கு பதியவும். நன்றி.